Heimasíða Tryggva
Aldur og ...
Ég fæddist 19. nóvember 1977 á Akureyri. Foreldrar mínir eru Jóhanna Agnes Hartmannsdóttir og Jón Emil Gylfason. Ættir mínar má rekja til Dalvíkur og Svarfaðardals, svona ef einhver hefur áhuga á ættfræði. Ég bjó á Akureyri til loka menntaskóla en flutti þá til Reykjavíkur. Þar leigði ég íbúð í Breiðholti í fjögur ár, en keypti svo íbúð á Seltjarnarnesi 2002 sem ég seldi svo ári síðar og flutti þá í Vesturbæinn.

Skólaganga mín hófst í Barnaskóla Akureyrar og þaðan fór ég í Gagnfræðaskóla Akureyrar (eru nú sameinaðir og heita Brekkuskóli) og er útskrifaðist af eðlisfræðibraut Menntaskólans á Akureyri 1998.

Haustið 1998 hóf ég nám við sálfræðiskor Háskóla Íslands í Reykjavík. Ég lauk BA prófi í sálfræði í febrúar 2002. Sjá nánar um það á sálfræðisíðunni minni.

Veturinn 2005-2006 skráði ég mig í seinna árið af kennsluréttindanámi við Háskólann á Akureyri til að ljúka því námi sem ég byrjaði í veturinn 2001-2002. Auk þess skráði ég mig í meistaranám í mannauðsstjórnun (human resource management) við viðskipta- og hagfræðideild Háskóla Íslands. Í júní 2006 lauk ég námi í kennslufræði og fékk frá Menntamálaráðuneytinu leyfisbréf fyrir starfsheitunum grunnskólakennari og framhaldsskólakennari. Í október sama ár lauk ég MA gráðu í mannauðsstjórnun frá HÍ.

Sumarið 2007 hóf ég störf sem verkefnisstjóri (manager) hjá Deloitte í Áhættuþjónustu (Enterprise Risk Services). Meira um störf mín má lesa á CV-inu mínu.

Auk þess hef ég starfað lengi fyrir Kidlink samtökin. Hef ég m.a. verið fulltrúi Evrópu í stjórn Kidlink (Board of Directors) frá september 1998 til maí 2005. Nánari upplýsingar um störf mín þar er að finna á Kidlink síðunni minni.

Það er hægt að komast að ýmsu um mig með því að skoða vefdagbókina mína og sjá ýmsar myndir í myndasafninu mínu.

Einnig er hægt að ná sambandi við mig í tölvupósti (trigger@pjus.is) og á MSN spjallkerfinu sem tryggvirunarjonsson@hotmail.com.



Tryggvi R. Jónsson, trigger@pjus.is
Síðustu breytingar: 09.08.2004
Aldur og ...
Myndasafn
Um þessa síðu
Kidlink
Sálfræði
Vefdagbók

Vefir
www.42.is
www.pjus.is
www.eldhus.is
www.ma98.net
Tryggvi R. Jónsson